വിദ്യാർഥികൾക്ക് കൂടുതൽ മാർക്ക് നേടാൻ, മത്സരപ്പരീക്ഷകളിൽ മികച്ച വിജയം നേടാൻ, സ്കൂളിലും കോളജിലും ദിനാചരണങ്ങൾ ആസൂത്രണം ചെയ്യാൻ- MAY യിലെ പ്രധാന ദിവസങ്ങൾ ഒറ്റനോട്ടത്തിൽ...
ലോക തൊഴിലാളി ദിനം (മേയ് ദിനം) - മേയ് 1
ലോകത്താകമാനം തൊഴിലാളികളുടെ അവകാശ സംരക്ഷണവും നേട്ടങ്ങളും സ്മരിക്കുന്ന ദിനം. എല്ലാ തൊഴിലിനും അവയുടേതായ മാന്യതയുണ്ട്. എട്ടു മണിക്കൂർ തൊഴിൽ സമയം അംഗീകരിച്ചതിന്റെ സ്മരണക്കായി ലോകം മേയ് ഒന്ന് തൊഴിലാളി ദിനമായി ആചരിക്കുന്നു. ഇന്ത്യയിൽ അന്താരാഷ്ട്ര ശ്രമിക് ദിവസ് എന്ന് അറിയപ്പെടുന്നു.
മഹാരാഷ്ട്ര ദിനം & ഗുജറാത്ത് ദിനം - മേയ് 1
ബോംബൈ എന്ന സംസ്ഥാനം വിഭജിച്ച് മഹാരാഷ്ട്ര, ഗുജറാത്ത് എന്നീ സംസ്ഥാനങ്ങൾ രൂപീകൃതമായത് 1960 മേയ് 1-നായിരുന്നു.
ലോക ട്യൂണ ദിനം - മേയ് 2
യു എൻ ആചരിച്ചു വരുന്ന ഒരു ദിനം. ട്യൂണ എന്നയിനം മത്സ്യത്തിന്റെ പ്രാധാന്യത്തെക്കുറി ച്ചുള്ള അറിവ് നൽകുന്നതിനായി രൂപീകരിച്ചിരിക്കുന്നു.
ലോക പത്ര സ്വാതന്ത്ര്യ ദിനം - മേയ് 3
WORLD PRESS FREEDOM DAY MAY 3
പത്രപ്രവർത്തന സ്വാതന്ത്ര്യം സംരക്ഷിക്കുന്നതിനും ലോകത്തോട് സത്യം വിളിച്ചു പറയുന്നതി നിടയിൽ ജീവൻ നഷ്ടപ്പെടുകയും ചെയ്ത മാധ്യമ പ്രവർത്തകരുടെ ഓർമ്മയ്ക്കായും ഈ ദിനം അറിയപ്പെടുന്നു. പത്ര സ്വാതന്ത്ര്യത്തെക്കുറിച്ചുള്ള അവബോധം വളർത്തുന്നതിനായി മേയ് 3 ലോക പത്ര സ്വാതന്ത്ര്യദിനമായി ആചരിക്കുന്നു.
WORLD Laughter Day
ലോക ചിരി ദിനം (മേയ് മാസത്തിലെ ആദ്യ ഞായർ) - മേയ് 3
എല്ലാ വർഷവും മേയ് മാസത്തിലെ ആദ്യ ഞായർ ലോക ചിരിദിനമായി ആചരിക്കുന്നു. ഈ വർഷം മേയ് 3 ആണ് ലോക ചിരിദിനം. ഇന്ത്യയിൽ ആദ്യമായി മുംബൈയിലാണ് ചിരിദിനം ആചരിച്ചത്.
അന്താരാഷ്ട്ര അഗ്നിശമന സേനാദിനം - മേയ് 4
സാമൂഹിക സുരക്ഷയ്ക്കായി സ്വജീവൻ പണയപ്പെടുത്തുകയും; തീപിടിത്തം, മറ്റു ദുരന്തങ്ങൾ എല്ലാം നേരിടുന്ന ത്യാഗസന്നദ്ധരായ അഗ്നിശമന സേനാംഗങ്ങളെ ആദരിക്കുന്നതിനായി മേയ് 4 അന്താരാഷ്ട്ര അഗ്നിശമനസേനാദിനമായി ആചരിക്കുന്നു.
ലോക ആസ്മ ദിനം (മേയ് മാസത്തിലെ ആദ്യ ചൊവ്വ) - മേയ് 5
കുട്ടികളിലും മുതിർന്നവരിലുമുള്ള ആഗോള സാംക്രമികേതര രോഗമായ ആസ്മയെ ചെറുക്കു ന്നതിനായി വിവിധ ആഗോള പ്രാദേശിക സംഘടനകൾ ഒന്നിച്ചു കൂടുകയും ലോകമെമ്പാടു മുള്ള ആസ്മാ പരിചരണവും അവബോധവും സൃഷ്ടിക്കുകയാണ് ലക്ഷ്യം. ഗ്ലോബൽ ഇനിഷ്യേറ്റീവ് ഫോർ ആസ്മ എന്ന സംഘടനയാണ് ഇതിന് മേൽനോട്ടം വഹിക്കുന്നത്.
അന്താരാഷ്ട്ര ‘നോ ഡയറ്റ് ദിനം’ - മേയ് 6
അനാരോഗ്യകരമായ ഡയറ്റുകൾ ഒഴിവാക്കി, സ്വന്തം ശരീരത്തെ സ്നേഹിക്കുവാനും ആരോഗ്യ കരമായ ഭക്ഷണരീതി പിന്തുടരാനും ഈ ദിനം നമ്മെ ഓർമ്മിപ്പിക്കുന്നു. ഓരോ പ്രായത്തിനനു സരിച്ചുള്ള ഇഷ്ട ഭക്ഷണമാകാം. എന്നാൽ ശരീരത്തെ ദോഷകരമാക്കുന്ന ഭക്ഷണ ക്രമീകരണ രീതി പാടേ മാറ്റുകയാണ് ലക്ഷ്യം.
ലോക അത്ലറ്റിക്സ് ദിനം - മേയ് 7
കായികരംഗത്ത് യുവാക്കളുടെ പങ്കാളിത്തം വർദ്ധിപ്പിക്കുകയും ആരോഗ്യകരമായ ജീവിത ശൈലി പ്രോത്സാഹിപ്പിക്കുകയും ആണ് പ്രധാന ലക്ഷ്യം. 1996-ലാണ് ആദ്യമായി ലോക അത്ലറ്റിക്സ് ദിനം ആചരിച്ചത്. സ്കൂളുകളിലും കോളേജുകളിലും ഈ ദിനത്തിൽ മത്സരങ്ങളും പരി പാടികളും സംഘടിപ്പിക്കുന്നു. യുവ തലമുറയെ അത്ലറ്റിക്സിലേക്ക് ആകർഷിക്കുക എന്ന താണ് പ്രധാനം.
ലോക റെഡ്ക്രോസ് ദിനം - മേയ് 8
യുദ്ധങ്ങൾ, ദുരന്തങ്ങൾ, കലാപങ്ങൾ എന്നിവയിൽ കഷ്ടപ്പെടുന്നവർക്ക് മാനുഷികസഹായം നൽകുന്ന സന്നദ്ധ പ്രവർത്തകരുടെ സേവനങ്ങളെ ഈ ദിനം ആദരിക്കുന്നു. രോഗികൾ, പരിക്കേറ്റവർ, യുദ്ധബാധിതർ എന്നിവർക്ക് സഹായം എത്തിക്കുക, സന്നദ്ധസേവനം പ്രോത്സാ ഹിപ്പിക്കുക ഇവയാണ് ലക്ഷ്യം. സമാധാനത്തിനുള്ള ആദ്യ നൊബേൽ സമ്മാന ജേതാവായ ഹെൻറി ഡുനാന്റെ ജന്മദിനമാണ് ലോക റെഡ്ക്രോസ് ദിനമായി ആചരിക്കുന്നത്.
രബീന്ദ്രനാഥ ടാഗോർ ജയന്തി - മേയ് 9
വിശകവി എന്നിയപ്പെടുന്ന നൊബേൽ സമ്മാന ജേതാവായ ടാഗോറിന്റെ ജന്മദിനം. ഗ്രിഗോറിയൻ കലണ്ടർ പ്രകാരം മേയ് 7-9 തീയതികളിൽ ആഘോഷിക്കുന്നു. ഇന്ത്യയുടെയും ബംഗ്ലാദേശിന്റെയും ദേശീയ ഗാനങ്ങൾ രചിച്ച ടാഗോർ, വിശ്വഭാരതി സർവകലാശാല (ശാന്തി നികേതൻ) യുടെ സ്ഥാപകൻ കൂടിയാണ്. 'ഗീതാഞ്ജലി' എന്ന കൃതിക്ക് സാഹിത്യത്തിനുള്ള നൊബേൽ സമ്മാനം അദ്ദേഹത്തിനു ലഭിക്കുകയുണ്ടായി.
മഹാറാണാ പ്രതാപ് ജയന്തി - മേയ് 9
മുഗൾ ചക്രവർത്തി അക്ബറിന്റെ ആധിപത്യത്തെ ചെറുക്കുകയും, മേവാറിന്റെ സ്വാതന്ത്ര്യത്തി നായി പോരാടുകയും ചെയ്ത മേവാറിലെ ധീരനായ പോരാളി മഹാറാണാ പ്രതാപിന്റെ ജന്മദിനം.
ലോക ലൂപ്പസ് ദിനം - മേയ് 10
ലൂപ്പസ് എന്ന ഓട്ടോ ഇമ്മ്യൂൺ രോഗത്തെക്കുറിച്ച് ജനങ്ങളെ ബോധവൽക്കരിക്കുന്നതിനുള്ള ദിനം. ശരീരത്തിന്റെ പത്രിരോധ സംവിധാനം തകരാറിലാക്കിക്കൊണ്ട്, സ്വന്തം കോശങ്ങളെ ആക്രമിക്കുന്ന അവസ്ഥയാണിത്. വിവിധ സംഘടനകൾ ലൂപ്പസിനെക്കുറിച്ചുള്ള അവബോധം വർദ്ധിപ്പിക്കുന്നതിനായി അനേകം പരിപാടികൾ സംഘടിപ്പിച്ചു വരുന്നു.
മാതൃദിനം - മേയ് 10
എല്ലാ വർഷവും മേയ് മാസത്തിലെ രണ്ടാം ഞായർ ആണ് അന്താരാഷ്ട്ര മാതൃദിനം. നമ്മുടെ അമ്മമാരെ ബഹുമാനിക്കാനും അവരോട് നന്ദി പ്രകടിപ്പിക്കാനുമായി ഭൂമിയിലെ എറ്റവും മികച്ച സൃഷ്ടിയായ അമ്മമാരെ പരിപാലിക്കേണ്ടത് ഓരോരുത്തരുടേയും കടമയാണെന്ന് ഓർമ്മിപ്പിക്കുന്ന ദിനം കൂടിയാണിത്.
ദേശീയ സാങ്കേതിക ദിനം - മേയ് 11
ഇന്ത്യയുടെ ശാസ്ത്ര-സാങ്കേതിക നേട്ടങ്ങളെ ആഘോഷിക്കുന്ന ദിനം. ശാസ്ത്ര-സാങ്കേതിക മന്ത്രാലയത്തിന് കീഴിലുള്ള ടെക്നോളജി ഡവലപ്മെന്റ് ബോർഡ് ഈ ദിനത്തിൽ പരിപാടികൾ സംഘടിപ്പിച്ചു വരുന്നു. രണ്ടാം ആണവ പരീക്ഷണം, തദ്ദേശിയമായി വികസിപ്പിച്ച ഹൻസ-3 വിമാനം, തൃശൂൽ മിസൈൽ പരീക്ഷണം എന്നിവയുടെ ഓർമ്മയ്ക്കായി ഈ ദിനം പ്രാധാന്യം അർഹിക്കുന്നു.
അന്താരാഷ്ട്ര നഴ്സസ് ദിനം - മേയ് 12
ആധൂനിക നഴ്സിംഗിന്റെ സ്ഥാപകയായ ഫ്ലോറൻസ് നൈറ്റിംഗേലിന്റെ ജന്മദിനമാണ് അന്താരാഷ്ട്ര നഴ്സസ് ദിനമായി ആചരിക്കുന്നത്. സമൂഹത്തിന് നഴ്സുമാർ നൽകുന്ന സംഭാവനകളുടെ പ്രാധാന്യം എല്ലാ ജനവിഭാഗങ്ങളിലും എത്തിക്കുന്നതിന്റെ ഭാഗമായി, മേയ് 12 വിവിധ പരിപാടികൾ സംഘടിപ്പിച്ചു വരുന്നു.
അന്താരാഷ്ട്ര കുടുംബദിനം - മേയ് 15
1993-ൽ യു എൻ പൊതുസഭ അന്താരാഷ്ട്ര കുടുംബദിനം ആചരിക്കുന്നതിന് പ്രമേയം പാസാക്കി. ഇതുപ്രകാരം എല്ലാ വർഷവും മേയ് 15ന് ഇത് വിപുലമായി ലോകമെമ്പാടും ആചരിച്ചു വരുന്നു.
ദേശീയ വംശനാശഭീഷണി നേരിടുന്ന ജീവികളുടെ ദിനം - മേയ് 15
മേയ് മാസത്തിലെ മൂന്നാമത്തെ വെള്ളിയാണ് ഈ ദിനം. വന്യജീവി സംരക്ഷണത്തിന് ഊന്നൽ നൽകുകയാണ് ലക്ഷ്യം. വംശനാശഭീഷണി നേരിടുന്ന ജീവജാലങ്ങളുടെ ആവാസ വ്യവസ്ഥ സംരക്ഷിക്കുന്നതിനുള്ള നടപടികളെക്കുറിച്ച് ചർച്ച ചെയ്യുന്നതിനും ഈ ദിനം ലക്ഷ്യ മിടുന്നു. 2026-ൽ ഈ ദിനം മേയ് 15-നാണ്. മനുഷ്യനിർമ്മിത ഭീക്ഷണികളായ വേട്ടയാടൽ, ആഗോളതാപനം, ആവാസവ്യവസ്ഥയുടെ നശീകരണം, മലിനീകരണം ഇവയിൽ നിന്നൊക്കെ ജീവജാലങ്ങളെ സംരക്ഷിക്കേണ്ടതിന്റെ ആവശ്യകതയാണ് ഇവിടെ പ്രാധാന്യം നൽകുന്നത്.
ദേശീയ ഡെങ്കി ദിനം - മേയ് 16
കേന്ദ്ര ആരോഗ്യ കുടുംബക്ഷേമ മന്ത്രാലയമാണ് ദേശീയ ഡെങ്കി ദിനാചാരണത്തിന് മുൻകൈ എടുക്കുന്നത്. ഡെങ്കിപ്പനി പടർത്തുന്ന ഈഡീസ് കൊതുകുകളെ നശിപ്പിക്കുന്നതിനും രോഗപ്രതിരോധ നടപടികളെക്കുറിച്ച് ജനങ്ങൾക്ക് ബോധവൽക്കരണം നടത്തുന്നതിനുമാണ് ഈ ദിനം ആചരിക്കുന്നത്. വീടിന് പരിസരത്ത് വെളളം കെട്ടിക്കിടക്കുന്നത് ഒഴിവാക്കുക, കൊതുകുവലകൾ, ലേപനങ്ങൾ എന്നിവ ഉപയോഗിക്കുക, പനി ബാധിച്ചാലുടൻ ഡോക്ടറുടെ നിർദ്ദേശം പാലിക്കുക. എന്നിവ ഡെങ്കിപ്പനി പ്രതിരോധിക്കാനുള്ള മാർഗങ്ങളാണ്.
അന്താരാഷ്ട്ര പ്രകാശദിനം - മേയ് 16
1960-ൽ ആദ്യമായി ലേസർ വിജയകരമായി പ്രവർത്തിപ്പിച്ചതിന്റെ ഓർമ്മപുതുക്കുന്ന ദിനം. പ്രകാശ അധിഷ്ഠിത സാങ്കേതിക വിദ്യകളെ പ്രോത്സാഹിപ്പിക്കുക എന്നതാണ് പ്രധാന ലക്ഷ്യം.
ലോക ടെലികമ്മ്യൂണിക്കേഷൻ ദിനം - മേയ് 17
വാർത്താ വിനിമയ സാങ്കേതികവിദ്യകളിലെ മാറ്റങ്ങളെക്കുറിച്ചും ഇന്റർനെറ്റ്, പുതിയ സാങ്കേ തിക വിദ്യകൾ എന്നിവ സാമൂഹിക സാമ്പത്തിക വ്യവസ്ഥിതികളിൽ ഉണ്ടാക്കുന്ന സാധീനത്തെ ക്കുറിച്ചും അവബോധം ഉണ്ടാക്കുക. ഡിജിറ്റൽ സാങ്കേതിക വിദ്യയുടെ പുരോഗതി എന്തെല്ലാമെ ന്നതിനെപ്പറ്റിയും സാധാരണ ജനവിഭാഗത്തെ അറിയിക്കുന്നതിനു കൂടിയുള്ള ദിനമാണിത്.
ലോക രക്താതിമർദ്ദ ദിനം - മേയ് 17
ജീവിതശൈലിയിലെ മാറ്റങ്ങൾ, അമിത ഉപ്പ് ഉപയോഗം, വ്യായാമക്കുറവ്, പുകവലി, മദ്യപാനം, മറ്റു മാനസികസമ്മർദ്ദങ്ങൾ എന്നിവമൂലം ലോകത്താകമാനം വർധിച്ചുവരുന്ന ഗുരുതരമായ ആരോഗ്യപ്രശ്നമാണ് രക്താതിമർദ്ദം അഥവാ ഉയർന്ന രക്തസമ്മർദ്ദം. ഹൃദയം, മസ്തിഷ്കം, വൃക്ക എന്നിവയെ ബാധിക്കുന്ന ഈ അവസ്ഥ പക്ഷാഘാതത്തിനും, ഹൃദ്രോഗങ്ങൾക്കും കാരണമാകുന്നു. ഇതിനെതിരെയുള്ള അവബോധമാണ് മേയ് 17-ന് ആചരിച്ചുവരുന്ന ലോക രക്താതിമർദ്ദ ദിനം കൊണ്ട് ഉദ്ദേശിക്കുന്നത്.
ലോക എയ്ഡ്സ് വാക്സിൻ ദിനം - മേയ് 18
എച്ച് ഐ വി വാക്സിൻ ബോധവൽക്കരണ ദിനം എന്നറിയപ്പെടുന്ന ലോക എയ്ഡ്സ് വാക്സിൻ ദിനം എല്ലാ വർഷവും മേയ് 18-ന് ആചരിച്ചുവരുന്നു. എച്ച് ഐ വി അണുബാധയും എയ്ഡ്സും തടയുന്നതിന് ഒരു വാക്സിൻ ആവശ്യമുണ്ടെന്ന് ഓർമ്മപ്പെടുത്തുന്ന ദിനമാണിത്.
അന്താരാഷ്ട്ര മ്യൂസിയംദിനം- മേയ് 18
സാമൂഹിക വികസനത്തിലും വിനിമയത്തിലും മ്യൂസിയങ്ങൾക്കുള്ള പങ്കിനെക്കുറിച്ച് സാധാ രണക്കാരിൽ അവബോധം സൃഷ്ടിക്കേണ്ടത് കാലഘട്ടത്തിന്റെ ആവശ്യമാണെന്ന തിരിച്ചറിയ ലിൽനിന്നും ഉടലെടുത്ത ആശയമാണിത്. എല്ലാ രാജ്യങ്ങളിലും പലവിധ മ്യൂസിയങ്ങൾ അണി ചേർന്നു കൊണ്ട് മേയ് 16 വിപുലമായ പരിപാടികൾ സംഘടിപ്പിക്കുന്നു
ദേശീയ ഭീകരതാ വിരുദ്ധ ദിനം മേയ് 21
ഭീകരവാദം, അക്രമം, എന്നിവയുടെ അപകടങ്ങളെക്കുറിച്ച് യുവാക്കളിൽ അവബോധം സൃഷ്ടിക്കുക, രാജ്യത്തു സമാധാനവും ഐക്യവും പ്രोत്സാഹിപ്പിക്കുക ഇവയാണ് ലക്ഷ്യം. മുൻ പ്രധാനമന്ത്രി രാജീവ് ഗാന്ധി ഭീകരാശ്രമണത്തിൽ കൊല്ലപ്പെട്ടതിന്റെ സ്മരണക്കാണ് ഈ ദിനം ആചരിക്കുന്നത്.
അന്താരാഷ്ട്ര ചായ ദിനം - മേയ് 21
തേയില വ്യവസായത്തേയും തൊഴിലാളികളെയും പ്രോത്സാഹിപ്പിക്കുന്നതിനു വേണ്ടിയുള്ള ദിനം. ഐക്യരാഷ്ട്ര സഭയുടെ കണക്കനുസരിച്ച് എല്ലാ വർഷവും മേയ് 21 ആണ് അന്താരാഷ്ട്ര ചായദിനം ആചരിച്ചുവരുന്നത്.
അന്താരാഷ്ട്ര ജൈവ വൈവിധ്യ ദിനം - മേയ് 22
ജൈവവൈവിധ്യസംരക്ഷണത്തെക്കുറിച്ച് അവബോധം വളർത്തുന്നതിനായി എല്ലാ വർഷവും മേയ് 22 അന്താരാഷ്ട്രജൈവവൈവിധ്യ ദിനമായി ആചരിക്കുന്നു.
ലോക ആമദിനം - മേയ് 23
വംശനാശഭീഷണി നേരിടുന്ന ആമകളുടെ സംരക്ഷണത്തിനായി അവയുടെ ആവാസ വ്യവസ്ഥ നിലനിർത്തുന്നതിനും അവയുടെ സംരക്ഷണവുമാണ് ഇതുകൊണ്ട് ഉദ്ദേശിക്കുന്നത്.
അന്താരാഷ്ട്ര സഹോദരദിനം - മേയ് 24
സഹോദരങ്ങൾ തമ്മിലുള്ള സ്നേഹവും ബന്ധവും ആഘോഷിക്കുന്നതിനായി എല്ലാ വർഷവും മേയ് 24 അന്താരാഷ്ട്ര സഹോദരദിനം ആചരിക്കുന്നു. പരസ്പരം സമയം പെലവ ഴിച്ചും സമ്മാനങ്ങൾ നൽകിയും സ്നേഹം പ്രകടിപ്പിക്കുന്ന ദിനം.
അന്താരാഷ്ട്ര ഉരുളക്കിഴങ്ങ് ദിനം - മേയ് 3
ഉരുളക്കിഴങ്ങിന്റെ പോഷക ഗുണങ്ങൾ, ആരോഗ്യ പരമായ ഗുണങ്ങൾ എന്നിവയെക്കുറിച്ച് അറിവു നൽകുന്നു. പട്ടിണി നിർമ്മാർജനം, സുസ്ഥിര കൃഷി പ്രോത്സാഹനം അതിലൂടെ സാമ്പത്തിക അഭിവൃദ്ധി എന്നിവ ലക്ഷ്യമിടുന്നു.
ഗോവ സംസ്ഥാന രൂപീകരണദിനം - മേയ് 30
1987 മേയ് 30-നാണ് ഗോവയ്ക്ക് പൂർണ സംസ്ഥാന പദവി ലഭിച്ചത്. 26-ആമത് സംസ്ഥാനമായി ഗോവ മാറിയതിനെ സ്മരണക്കായി എല്ലാ വർഷവും മേയ് 30 ഗോവ സംസ്ഥാന രൂപീകരണ ദിനമായി ആചരിക്കുന്നു.
ഹിന്ദി പത്രപ്രവർത്തന ദിനം - മേയ് 30
ആദ്യ ഹിന്ദി പത്രമായ 'ഉദന്ത് മാർത്താണ്ഡ' പ്രസിദ്ധീകരിച്ചതിന്റെ ഓർമ്മയ്ക്കായി രൂപീകരിച്ച ദിനം. ഹിന്ദി ഭാഷാ പത്രപ്രവർത്തനത്തിന്റെ ജനനം, വളർച്ച, രാഷ്ട്ര നിർമ്മാണത്തിൽ പത്രപ്രവർത്തകരുടെ പങ്ക് എന്നിവയെ ഈ ദിനം ആദരിക്കുന്നു. പണ്ഡിറ്റ് ജൂഗൽ കിഷോർ ശുകൽ ആണ് ഉദന്ത് മാർത്താണ്ഡയുടെ എഡിറ്റർ.
ലോക പുകയില വിരുദ്ധദിനം - മേയ് 31
പുകയിലയുടെ മാരകമായ ദൂഷ്യങ്ങളെപ്പറ്റി ജനങ്ങളെ ബോധവാന്മാരാകുന്നതിനു വേണ്ടിയും പുകയില ഉൽപ്പന്നങ്ങൾ നിയന്ത്രിക്കുന്നതിനും സർക്കാരുകളെ പ്രേരിപ്പിക്കുക. പുകയിലുടെ പുകശ്വസിക്കുന്നതും രോഗം വരുത്തിവയ്ക്കുന്നതിനും കാരണമാകാറുണ്ട്. ഇതിനെതിരെയുള്ള അവബോധം ആണ് ലോക പുകയില വിരുദ്ധ ദിനത്തോട് അനുബന്ധിച്ച് നൽകുവാനുള്ളത്.
