SSLC-കേരള പാഠാവലി-QUICK TIPS BEFORE ENTERING EXAM HALL-മലയാളം പരീക്ഷ എഴുതുമ്പോൾ ശ്രദ്ധിക്കേണ്ട കാര്യങ്ങൾ

  

 SSLC കേരള പാഠാവലി  പരീക്ഷ മികച്ചതാവാൻ ചില ഓർമ്മപ്പെടുത്തലുകൾ 

കൂൾ ഓഫ് സമയം ഉൾപ്പെടെ 1 മണിക്കൂറും 45 മിനിറ്റും നല്ല പോലെ പ്രയോജനപ്പെടുത്താൻ കഴിഞ്ഞാൽ ഉയർന്ന സ്കോർ നേടാൻ കഴിയും.

കൂൾ ഓഫ് ടൈം:"

കൂള്‍ ഓഫ് ടൈം' നന്നായി  ഉപയോഗിക്കണം.

അനുസരണയോടെ ചോദ്യപേപ്പർ വാങ്ങുക..
നിമിഷ നേരം കൊണ്ട് മൊത്തത്തിൽ ഒന്നു പരിശോധിക്കുക (പേജുകളുടെ എണ്ണം, വ്യക്തത എന്നിവ അറിയാൻ )...
നിർദ്ദേശങ്ങൾ വായിച്ചു മനസ്സിലാക്കുക.. ഞാൻ എല്ലാം പഠിച്ചിട്ടുണ്ട് എന്ന മനസ്സാലെ....
ആദ്യം മുതൽ അവസാനം വരെ ഒരു പ്രാവശ്യം വായിച്ചു നോക്കുക..

 ഈ സമയത്ത് ഏറ്റവും നന്നായി അറിയുന്നവ പെൻസിൽ കൊണ്ട് ചെറുതായി അടയാളമിടുക (ഹൈഫൺ)...
ശരാശരി നിലവാരമുള്ള കുട്ടിക്ക് പോലും പകുതിയോളം അറിയുന്നവയായിരിക്കും.
അപ്പോൾ ആശ്വാസം തോന്നും.. പിന്നീട്, ബാക്കിയുള്ളവ ഒരിക്കൽ കൂടി വായിച്ചു നോക്കുക... കുറച്ചു കൂടി മനസ്സിലാകുന്നവയുണ്ടാകും.. അതും അടയാളമിടുക.. അപ്പോൾ സമാശ്വാസം തോന്നും... മാത്രമല്ല, ഈ സമയത്ത് ആശയ ധാരണ, എഴുതേണ്ട വിധം, സമയക്രമീകരണം എന്നിവ നടത്തുക..
ഇൻവിജിലേറ്ററുടെ നിർദ്ദേശങ്ങൾ ശ്രദ്ധിക്കണേ...

ഏതൊക്കെ ചോദ്യങ്ങളാണ് എഴുതേണ്ടത് അല്ലെങ്കില്‍ ഏതൊക്കെ ചോദ്യങ്ങള്‍ ഒഴിവാക്കണം എന്ന് കൂൾ ഓഫ്  സമയത്ത് തീരുമാനിക്കാം.

മലയാളം പരീക്ഷ എഴുതുമ്പോൾ ശ്രദ്ധിക്കേണ്ട കാര്യങ്ങൾ 

ആകെ സമയം - ഒന്നര മണിക്കൂർ

 (90 മിനിറ്റ്)

1 മാർക്ക് - 2 മിനിറ്റ് വീതം 4 ചോദ്യങ്ങൾ (4×2=8 മിനിറ്റ്)

2 മാർക്ക് - 4 മിനിറ്റ് വീതം 2 ചോദ്യങ്ങൾ

(2×4=8 മിനിറ്റ്)

4 മാർക്ക് - 8 മിനിറ്റ് വീതം 5 ചോദ്യങ്ങൾ

(5×8=40 മിനിറ്റ്)

6 മാർക്ക് - 15 മിനിറ്റ് വീതം 2 ചോദ്യങ്ങൾ

(15 ×2=30 മിനിറ്റ്)

ആകെ ചോദ്യങ്ങൾ എഴുതാൻ എടുക്കുന്ന സമയം

8+8+40+30= 86 മിനിറ്റ്

ബാക്കിയുള്ള 4 മിനിറ്റ് ഉത്തരങ്ങൾ വായിച്ചു നോക്കാനോ വലിയ ചോദ്യങ്ങൾക്ക് ഉത്തരമെഴുതാനോ ഉപയോഗിക്കാം.

എഴുത്ത് സമയം:
ഉത്തര പേപ്പറിലെ ആദ്യ പേജ് ഭംഗിയായി പൂരിപ്പിച്ച ശേഷം... സമാധാനത്തോടെ ... ഓരോന്നായി എഴുതിത്തുടങ്ങുക.. ഏറ്റവും എളുപ്പമുള്ളവ മാർക്ക് ചെയ്തിരുന്നല്ലോ.. അവയിൽ ഓരോന്നായി മാർജിന് പുറത്ത് നമ്പറിട്ട്, പ്രധാന ആശയം മനസ്സിലാക്കി ,മാർക്കിനനു സരിച്ച് ഭംഗിയായി എഴുതുക.

ആദ്യ പേജിൽ തന്നെ ഏറ്റവും നല്ല ഉത്തരം പിറക്കുമ്പോൾ നമുക്ക് ആത്മ വിശ്വാസവും മൂല്യ നിർണയം നടത്തുന്നവർക്ക് നമ്മെ കുറിച്ച് നല്ല മതിപ്പും ഉണ്ടാകും.. First Impression is the Best..

* ഓരോ ചോദ്യത്തിനും മാർക്ക് അനുസരിച്ച് മാത്രം ഉത്തരം എഴുതുക.ഉദാഹരണത്തിന് 

 2  മാർക്കിന്റെ ചോദ്യത്തിന്  മൂന്നോ നാലോ വാക്യം (സെൻ്റൻസ്) ഉത്തരം എഴുതിയാൽ മതി.അരപ്പേജോളം ഉത്തരം എഴുതരുത്.അങ്ങനെ എഴുതിയാൽ മറ്റുള്ള ചോദ്യത്തിന് ഉത്തരം എഴുതാൻ സമയം തികയാതെ വരും .

*ചോദ്യപേപ്പറിലെ നിർദ്ദേശം അനുസരിച്ച് എല്ലാ ചോദ്യങ്ങൾക്കും ഉത്തരം എഴുതാൻ ശ്രമിക്കുക.

*മലയാളം പരീക്ഷക്ക് വിശദമായി ഉത്തരം എഴുതേണ്ടതിനാൽ ഒപ്ഷനായി നൽകിയിരിക്കുന്ന  എല്ലാ ചോദ്യങ്ങൾക്കും ഉത്തരം എഴുതാതിരിക്കുന്നതാണ് നല്ലത്.ഉദാഹരണത്തിന് 6 മാർക്കിന്റെ 3 ചോദ്യങ്ങളിൽ 2 ചോദ്യത്തിന് ഉത്തരം എഴുതിയാൽ മതി.3 ചോദ്യത്തിനും ഉത്തരം എഴുതരുത്.

*മലയാളം പരീക്ഷക്ക് വാക്യത്തിൽ(സെൻ്റൻസ്) ആയി ഉത്തരം എഴുതുക.പോയിൻ്റ് ആയി ഉത്തരം എഴുതരുത്.

. ശരിയായ ഉത്തരം മനസ്സിൽ വരാൻ ചിന്തയോട് കൂടിയ വായന വേണം..  ഉത്തരങ്ങൾ ശ്രദ്ധയോടെ എഴുതുക.. 

ഒരു ചോദ്യം ബുദ്ധിമുട്ടുള്ളതാണെ് തോന്നിയാല്‍ പരിഭ്രമിക്കാതിരിക്കുക. അത് ഒഴിവാക്കി അടുത്ത ചോദ്യത്തിലേക്ക് പോകുക.ഒരു ചോദ്യത്തില്‍ തന്നെ ഒരുപാട് സമയം പാഴാക്കരുത്.

ആവശ്യമുള്ളത് മാത്രം എഴുതുക. 

മറ്റൊരു കുട്ടിയെയും മനസ്സിൽ കാണരുത് . ആ കുട്ടി എഴുതുന്ന പോലെ എഴുതണമെന്ന് ആഗ്രഹിക്കുന്നത് . നമ്മൾ നമ്മുടെ എഴുത്ത് എഴുതുക 

ഒരു പ്രത്യേക ചോദ്യത്തിൽ  കെട്ടിത്തിരിഞ്ഞ് സമയം പാഴാക്കരുത്

ചോദ്യങ്ങൾക്കുള്ള സ്കോർ' അനുസരിച്ച് മാത്രം ഉത്തരം എഴുതുക.

മാർക്ക് ചോദ്യങ്ങൾക്ക് നിശ്ചിത ഉത്തരം മാത്രം തിരഞ്ഞെടുത്തെഴുതുക.

മലയാളത്തിലും 'ഫുൾ സ്കോർ ലഭിക്കും എന്ന് തിരിച്ചറിയുക.

ഓരോന്നും എഴുതിക്കഴിയുമ്പോൾ ചോദ്യപ്പേപ്പറിൽ ചേദ്യ നമ്പർ റൗണ്ട് ചെയ്യുക.. അഡീഷനൽ പേപ്പറിൽ തുടർ നമ്പറും രജിസ്റ്റർ നമ്പറും നൽകുക.

ചോയ്സുകൾ ശ്രദ്ധിക്കുക.. അതിൽ പൂർണതയോടെ, നന്നായി എഴുതാൻ കഴിയുന്നവ എഴുതുക... പകുതി സമയം കഴിയുമ്പോൾ പകുതിയിലധികം എഴുതിത്തീരുക... കാരണം, ഇനിയുള്ളവയ്ക്ക് കൂടുതൽ സമയം വേണ്ടി വരും.. നമ്പർ മാറരുത്... മറക്കരുത്‌.. ഒരു ചോദ്യത്തിന്റെ ഉത്തരം രണ്ടിടത്ത് എഴുതരുത്..  തീരാൻ 30 മിനുട്ട് ഉള്ളപ്പോൾ ആവശ്യമെങ്കിൽ സമയ പുന :ക്രമീകരണം നടത്തുക.. 10 മിനുട്ട് മുമ്പ് മുഴുവൻ എഴുതിത്തീർക്കാൻ ശ്രമിക്കുക..അവസാനമായി എല്ലാ
7 ചോദ്യങ്ങള്‍ക്കും ഉത്തരമെഴുതി എന്ന് ഉറപ്പിക്കുക .സമയം ഉണ്ടെങ്കിലും ചോയ്‌സിലെ ചോദ്യങ്ങള്‍ക്കും ഉത്തരം എഴുതുന്നത് നല്ലതാണ്‌

അതിന് ശേഷം, ഇൻവിജിലേറ്ററുടെ നിർദ്ദേശം പാലിച്ച്, പേജുകൾ മാറിപ്പോകാതെ നൂൽ കൊണ്ട് ഇടത്തോട്ട് കെട്ടുക. തുടക്കം മുതൽ ഒടുക്കം വരെ ഒരിക്കൽ കൂടി പരിശോധിക്കുക. പൂർണത ഉറപ്പു വരുത്തുക.തന്റെ പരമാവധി എഴുതിയിട്ടുണ്ട് എന്ന ശുഭാപ്തി വിശ്വാസത്തോടെ പരിക്ഷാ റൂമിൽ നിന്ന് ഇറങ്ങുക..

ആത്മവിശ്വാസത്തോടെ ഭയമില്ലാതെ പരീക്ഷ എഴുതുക

 വിജയാശംസകൾ!