STD-8-9-10-FIRST IT MID TERM EXAM-2025-26-CIRCULAR-TOPIC-MODEL QUESTIONS

  

ഹൈസ്കൂൾ ക്ലാസുകളിലെ 2025-26 അധ്യയന വർഷത്തെ അർദ്ധവാർഷിക ഐ.ടി പരീക്ഷാ നടത്തിപ്പ് സംബന്ധിച്ച നിർദ്ദേശങ്ങൾ

STD-8-9-10-FIRST IT MID TERM EXAM-2025-26-CIRCULAR

1. അർദ്ധവാർഷിക ഐ.ടി. പരീക്ഷ 2025 ഒക്ടോബർ 21-ന് തുടങ്ങി 2025 നവംബർ 14-ന് മുമ്പ്

പൂർത്തിയാക്കേണ്ടതും 8, 9, 10 ക്ലാസുകളിലെ എല്ലാ കുട്ടികളും പരീക്ഷയിൽ പങ്കെടുത്തുവെന്ന് അതത്

സ്കൂൾ പ്രഥമാധ്യാപകർ ഉറപ്പാക്കേണ്ടതുമാണ്.

2. ഓരോ ക്ലാസിലും ഐ.ടി. പഠിപ്പിക്കുന്ന അധ്യാപകർ SITC/JSITCഎന്നിവരുടെ സഹായത്താൽ

പ്രഥമാധ്യാപിക/പ്രഥമാധ്യാപകന്റെ നിർദേശാനുസരണം ഐ.ടി. പരീക്ഷ യഥാസമയം

നടത്തിത്തീർക്കേണ്ടതും റിപ്പോർട്ട് ജില്ലാ വിദ്യാഭ്യാസ ഓഫീസർക്കും കൈറ്റിൻ്റെ ജില്ലാ ഓഫീസിലും

ലഭ്യമാക്കേണ്ടതുമാണ്.

3. ഐ.ടി പരീക്ഷ ഗ്നൂ/ലിനക്സ് ഓപ്പറേറ്റിംഗ് സിസ്റ്റത്തിലാണ് നടത്തേണ്ടത്. ഇതിനായി കൈറ്റ്

സ്കൂളുകൾക്ക് ഔദ്യോഗികമായി വിതരണം ചെയ്ത KITE GNU-Linux Based on Ubuntu 22.04

ഓപ്പറേറ്റിംഗ് സിസ്റ്റം ആണ് ഉപയോഗിക്കേണ്ടത്.

4. പരീക്ഷാ സമയം ഒരു മണിക്കൂർ ആയിരിക്കും. തിയറി, പ്രാക്ടിക്കൽ ഭാഗങ്ങൾ സോഫ്റ്റ്വെയറിന്റെ സഹായത്തോടെ കമ്പ്യൂട്ടറിൽ തന്നെയാണ് നടത്തേണ്ടത്.

5. റോബോട്ടിക്സ് പാഠഭാഗങ്ങളിൽ നിന്നുള്ള പ്രാക്ടിക്കൽ ചോദ്യങ്ങൾ റോബോട്ടിക് കിറ്റ്

ഉപയോഗപ്പെടുത്തിയാണ് ചെയ്യേണ്ടത്. അതിനാൽ പരീക്ഷ നടത്തുന്ന എല്ലാ സിസ്റ്റങ്ങളിലും

റോബോട്ടിക് കിറ്റുകൾ സജ്ജീകരിക്കേണ്ടതാണ്.

6. പരീക്ഷാ സോഫ്റ്റ്വെയർ, പാസ്‌വേഡ്, പരീക്ഷാ സർക്കുലർ തുടങ്ങിയവ പൊതുവിദ്യാഭ്യാസ

വകുപ്പിന്റെ sampoorna.kite.kerala.gov.in-ലെ ഹെഡ്മാസ്റ്റർ ലോഗിനിൽ Mid Term IT Exam 2025-26

എന്ന ഐക്കൺ/ലിങ്കിൽ നിന്ന് ഡൗൺലോഡ് ചെയ്ത് പരീക്ഷ നടത്തേണ്ടതാണ്.

7. പ്രഥമാധ്യാപകന്റെ സാന്നിദ്ധ്യത്തിൽ പരീക്ഷാ സോഫ്റ്റ്വെയർ ഡൗൺലോഡ് ചെയ്യേണ്ടതും ഒരു

പെൻഡ്രൈവിൽ കോപ്പി ചെയ്തശേഷം കമ്പ്യൂട്ടറിൽ നിന്ന് അത് ഡിലീറ്റ് ചെയ്യേണ്ടതും പെൻഡ്രൈവ്

പ്രഥമാധ്യാപകൻ സുരക്ഷിതമായി സൂക്ഷിക്കേണ്ടതും പരീക്ഷയ്ക്ക് ഉപയോഗിക്കേണ്ട കമ്പ്യൂട്ടറുകളിൽ

ഇൻസ്റ്റാൾ ചെയ്യുന്നതിനായി എക്സാമിനർക്ക് ലഭ്യമാക്കേണ്ടതുമാണ്.

8. സ്കൂളുകൾക്ക് ലഭ്യമാക്കുന്ന പരീക്ഷാ സോഫ്റ്റ്വെയർ സ്കൂളിനു പുറമേ പരസ്യപ്പെടുത്തുന്നില്ലെന്ന്

ഉറപ്പുവരുത്തേണ്ട പൂർണ ഉത്തരവാദിത്തം സ്കൂൾ പ്രഥമാധ്യാപകർക്കാണ്. അതിനാൽ പരീക്ഷാ

സോഫ്റ്റ്വെയർ ഇൻസ്റ്റാൾ ചെയ്തശേഷം സോഫ്റ്റ്വെയർ അടങ്ങിയ പെൻഡ്രൈവ്

പ്രഥമാധ്യാപിക/ പ്രഥമാധ്യാപകൻ തിരികെ വാങ്ങി സുരക്ഷിതമായി സൂക്ഷിക്കേണ്ടതും പരീക്ഷ

നടത്തുന്നതിനുള്ള പാസ്വേഡുകൾ രഹസ്യമായി സൂക്ഷിക്കുന്നതിന് നിർദേശം നൽകേണ്ടതുമാണ്.

9. ജില്ലാ വിദ്യാഭ്യാസ ഓഫീസർ ജില്ലയിലെ പ്രഥമാധ്യാപകരുടെ യോഗം ചേർന്ന് ഐ.ടി. പരീക്ഷാ

നടത്തിപ്പ് സംബന്ധിച്ച് നിർദേശങ്ങൾ നൽകേണ്ടതും സമയബന്ധിതമായി പരീക്ഷ

പൂർത്തിയാക്കുന്നതിനുള്ള ക്രമീകരണങ്ങൾ ഒരുക്കേണ്ടതുമാണ് (പരീക്ഷാ നടത്തിപ്പ് സംബന്ധിച്ച് സാങ്കേതിക സഹായം ആവശ്യമെങ്കിൽ ജില്ലയിലെ കൈറ്റ് മാസ്റ്റർട്രെയിനർമാരുടെ സേവനം

ഉപയോഗപ്പെടുത്താവുന്നതാണ്).

10. അർദ്ധവാർഷിക ഐ.ടി. പരീക്ഷയ്ക്ക് ഉൾപ്പെടുത്തിയിട്ടുള്ള പാഠഭാഗങ്ങൾ, സ്കോറുകൾ എന്നിവ

സംബന്ധിക്കുന്ന വിശദവിവരങ്ങൾ അനുബന്ധം (1) ൽ ഉൾപ്പെടുത്തിയിട്ടുണ്ട്. ഇത് എല്ലാ കുട്ടികളെയും

അറിയിക്കേണ്ടതും സ്കൂൾ നോട്ടീസ് ബോർഡിൽ പതിപ്പിക്കേണ്ടതുമാണ്.

11. റോബോട്ടിക് കിറ്റ് ഉപയോഗിച്ചുള്ള പ്രായോഗിക പരീക്ഷാ പ്രവർത്തനങ്ങൾ കുട്ടി ചെയ്യുമ്പോൾ

പ്രസ്തുത ചോദ്യത്തിന്റെ മൂല്യനിർണയം നടത്തിയതിന് ശേഷം മാത്രമേ റോബോട്ടിക് കിറ്റ്

ലാപ്ടോപ്പ്/കമ്പ്യൂട്ടറിൽ നിന്ന് ഡിസ്കണക്ട് ചെയ്യാൻ പാടുള്ളു. ഇക്കാര്യം എക്സാമിനർ കുട്ടികളെ

പ്രത്യേകം അറിയിക്കേണ്ടതാണ്.

12. റോബോട്ടിക് കിറ്റ് അടിസ്ഥാനമാക്കിയുള്ള പ്രായോഗിക ചോദ്യത്തിന് ഓരോ കുട്ടിയും ഉത്തരം നൽകേണ്ടതിനാൽ ഓരോ കുട്ടിയുടേയും പരീക്ഷ പൂർത്തിയാക്കി മൂല്യനിർണയം നടത്തിയതിനു ശേഷം

മാത്രമേ അതേ ലാപ്ടോപ്പ്/കമ്പ്യൂട്ടറിൽ അടുത്ത കുട്ടിയുടെ പരീക്ഷ നടത്താൻ പാടുള്ളു. ഇക്കാര്യം

എക്സാമിനർ പ്രത്യേകം ശ്രദ്ധിക്കേണ്ടതാണ്.

13. കേൾവിക്കുറവുള്ള കുട്ടികൾ പഠിക്കുന്ന സ്കൂളുകളിലെ (Special Schools for Hearing Impaired

Students) ഐ.ടി. പരീക്ഷയ്ക്കുള്ള പ്രത്യേക സോഫ്റ്റ്വെയർ പ്രസ്തുത സ്കൂളുകൾ ഡൗൺലോഡ് ചെയ്ത്

ഉപയോഗിക്കേണ്ടതാണ്.

14. പരീക്ഷാകേന്ദ്രത്തിലെ എല്ലാ കുട്ടികളുടെയും പരീക്ഷ പൂർത്തീകരിച്ചശേഷം പരീക്ഷയ്ക്കുപയോഗിച്ച

എല്ലാ കമ്പ്യൂട്ടറുകളിൽനിന്നുമുള്ള വിവരങ്ങൾ എക്സ്പോർട്ട് ചെയ്ത് സെർവർ കമ്പ്യൂട്ടറിലേക്ക് ഇംപോർട്ട്

ചെയ്യുകയും അതിലെ എക്സ്പോർട്ട്, ഫൈനൽ എക്സ്പോർട്ട് സൗകര്യങ്ങൾ ഉപയോഗിച്ച്

എക്സ്പോർട്ട് ചെയ്തെടുത്ത ഫയലുകൾ ഒരു ഫോൾഡറിലേക്ക് പകർത്തി സൂക്ഷിക്കേണ്ടതും ഇതിന്റെ

ഒരു കോപ്പി പെൻഡ്രൈവിൽ എടുത്ത് സുരക്ഷിതമായി സ്കൂളിൽ സൂക്ഷിക്കേണ്ടതുമാണ്.

15. കൺസോളിഡേറ്റഡ് സ്കോർ ഷീറ്റ് തയാറാക്കി അതിന്റെ പ്രിൻ്റ്ഔട്ട് എടുക്കുകയും, അതിൽ എല്ലാ

കുട്ടികളുടെയും വിവരങ്ങൾ ഉണ്ടെന്ന് ഉറപ്പുവരുത്തുകയും ചെയ്യണം. ഓരോ കുട്ടിക്കും നൽകിയ

പ്രാക്ടിക്കൽമാർക്ക് സ്കോർഷീറ്റിൽ വന്നിട്ടുണ്ടെന്ന് ഉറപ്പുവരുത്തണം. പരീക്ഷാ സോഫ്റ്റ്വെയറിലെ

Final Export സൗകര്യം ഉപയോഗിച്ച് എക്സ്പോർട്ട് ചെയ്തെടുക്കുന്ന csv ഫയൽ സമ്പൂർണ്ണയിൽ 2025

നവംബർ 18 ന് മുമ്പ് അപ്ലോഡ് ചെയ്യേണ്ടതാണ്.