ഫ്രാൻസിസ് ക്രിക്ക് (1916-2004)
ഡി.എൻ.എയുടെ ഇരട്ട ഹെലിക്സ് ഘടനയുടെ ഉപജ്ഞാതാക്കളിൽ ഒരാൾ. ജനിതക കോഡ്, പ്രോട്ടീൻ സംശ്ലേഷണം എന്നിവയിലും മൗലി കമായ സംഭാവനകളുണ്ട്. തന്മാത്രാ ശാസ്ത്രത്തിലെ അതികായരിൽ ഒരാൾ.
1916 ജൂൺ 8-ാം തീയതി ഇംഗ്ലണ്ടിലെ നോർത്താംപ്ടണിലാണ് ഫ്രാൻസിസ് ഹാരി കോംപ്ടൺ ക്രിക്ക് ജനിച്ചത്. ഒരു ഇടത്തരം കുടും ബത്തിലെ അംഗമായിരുന്നു. വടക്കൻ ലണ്ടനിലെ ഒരു സാധാരണ പബ്ലിക്ക് സ്കൂളിലാണ് പഠിച്ചത്. വീട്ടിൽ ആർക്കും ശാസ്ത്രത്തിൽ താത്പര്യമുണ്ടായിരുന്നില്ല. പക്ഷേ, അച്ഛൻ ഒരു “കുട്ടികളുടെ വിജ്ഞാന കോശം' വാങ്ങിക്കൊടുത്ത കാര്യം ക്രിക്ക് പ്രത്യേകം ഓർമിക്കുന്നുണ്ട്. ചെറുപ്പത്തിൽതന്നെ ശാസ്ത്രത്തിൽ തത്പരനായിരുന്നു. അങ്ങനെ ലണ്ടൻ സർവകലാശാലയിൽ നിന്നു ബിരുദമെടുത്തശേഷം അവിടെ തന്നെ ഗവേഷണ വിദ്യാർത്ഥിയായി ചേർന്നു. വളരെ കൃത്യമായ അളവെടുക്കുവാനുള്ള ഒരു ഉപകരണം നിർമിക്കുവാനാണ്, ഗവേഷണത്തിന്റെ മേൽനോട്ടം വഹിക്കുന്ന പ്രൊഫസർ, ക്രിക്കിനെ ഏൽപിച്ചത്. എന്തെങ്കിലും ഒന്ന് ചെയ്യുവാനുള്ള താത്പര്യത്തിൽ, ക്രിക്ക് വിര സമായ ആ പണി ചെയ്തു തീർത്തു. പിന്നെ കൂടുതലായൊന്നും ചെയ്യേണ്ടി വന്നില്ല. കരാണം ബോംബാക്രമണത്തിൽ (രണ്ടാം ലോകമഹായുദ്ധ കാലമായിരുന്നു). ലാബറട്ടറിയും ഉപകരണവുമെല്ലാം നശിച്ചു.
യുദ്ധകാലത്ത് നാവികസേനയിൽ മൈനുകൾ ഉണ്ടാക്കുന്ന വിഭാഗത്തിൽ ജോലി കിട്ടി. യുദ്ധം കഴിഞ്ഞപ്പോൾ വീണ്ടും പഠിക്കുവാനാണ് തീരുമാനിച്ചത്. പഠനത്തിനായി ജീവശാസ്ത്രമാണ് തിര ഞ്ഞെടുത്തത്. അങ്ങനെ 1947-ൽ കേംബ്രിഡ്ജ് സർവകലാശാലയിൽ എത്തി. കലകളെപ്പറ്റി പഠിക്കുന്ന ഒരു ലാബറട്ടറിയിൽ അല്പനാൾ തങ്ങിയ ശേഷം, പ്രശസ്തമായ കാവൻഡിഷ് ലാബറട്ടറിയിലേക്ക് മാറി. അവിടെ വിഖ്യാത തന്മാത്രാ ജൈവശാസ്ത്രജ്ഞനായ മാക്സ് പെരുട്സിന്റെ (ഹീമോഗ്ലോബിന്റെ തന്മാത്രാ ഘടന നിർണ്ണയിച്ചത് ഇദ്ദേഹമാണ്) കീഴിൽ ഡോക്ടർ ബിരുദത്തിനുള്ള വിദ്യാർത്ഥിയായി. എക്സ് റേ ക്രിസ്റ്റലോ ഗ്രാഫി ഉപയോഗിച്ച് പ്രോട്ടീനുകളുടെ ഘടന നിർണ്ണയിക്കുന്നതിനെ സംബന്ധിച്ചതായിരുന്നു ഗവേഷണ വിഷയം.
ഇതിനിടെ കയ്യിൽ കിട്ടുന്ന ജീവശാസ്ത്ര പുസ്തകങ്ങളെല്ലാം വായിച്ചുതീർത്തു. അങ്ങനെ വെറും രണ്ടുകൊല്ലം കൊണ്ട് ജീവശാസ്ത്രത്തിൽ വേണ്ടത്ര പ്രാഗദ്ഭ്യം നേടി. ഈ സന്ദർഭത്തിലാണ് ജെയിംസ് വാട്സൺ അവിടെ എത്തിയത്. അവർ തമ്മിൽ പരിചയപ്പെടുകയും ഡി.എൻ.എയുടെ പ്രാധാന്യം മനസ്സിലാക്കി അതിൽ ഗവേഷണം ചെയ്യുവാൻ തീരുമാനിക്കുകയും ചെയ്തു. അക്കാലത്ത് കേംബ്രിഡ്ജിൽ ഡി.എൻ.എയിൽ താൽപര്യമുള്ള ആരും ഉണ്ടായിരുന്നില്ല. ഔപചാരികമായി നോക്കിയാൽ വാട്സന്റെയും ക്രിക്കിന്റെയും ഗവേ ഷണവിഷയവും അതല്ലായിരുന്നു. എങ്കിലും ദീർഘദൃഷ്ടിയോടെ ഡി.എൻ.എയുടെ പ്രാധാന്യം മനസ്സിലാക്കി അതിൽ ശ്രദ്ധ കേന്ദ്രീകരിക്കുവാൻ തീരുമാനിച്ചു. അധികൃതർക്ക് ഇതറിയാമായിരു ന്നെങ്കിലും അവരതിനെ എതിർത്തില്ല.
വാട്ട്സണും ക്രിക്കും നീണ്ട സംഭാഷണങ്ങ ളിൽ ഏർപ്പെടുക പതിവായിരുന്നു. ആ സമയങ്ങളിൽ ക്രിക്കിന് ജനിതകത്തെക്കുറിച്ച് പലതും മനസ്സിലാക്കുവാൻ കഴിഞ്ഞു. അതേ സമയം വാട്ട്സന് എക്സ്-റേ ക്രിസ്റ്റലോഗ്രാഫിയെപ്പറ്റി സാമാന്യവിജ്ഞാനം നേടുവാനും സാധിച്ചു. അന്നുവരെ രസതന്ത്രപരമായി ഡി.എൻ.എ. യെക്കുറിച്ച് ഉണ്ടായിരുന്ന എല്ലാ വിവരങ്ങളും അവർ മനസ്സിലാക്കി. ലണ്ടനിൽ മൗറിസ് വിൽക്കിൻസും ഫ്രാങ്ക്ളിനും എടുത്ത ഡി. എൻ. എ. യുടെ എക്സ്-റേ ചിത്രങ്ങളും അവർക്ക് കാണുവാൻ കഴിഞ്ഞു. തന്മാത്രയിൽ ആറ്റങ്ങൾ എങ്ങനെയാണ് ക്രമീകരിക്കപ്പെട്ടിരിക്കുന്നത് എന്ന് അറിയാൻ എക്സ്-റേ ക്രിസ്റ്റലോഗ്രാഫി ഉപയോഗിച്ചുള്ള പഠനങ്ങൾ കൂടിയേ കഴിയൂ. കൂടാതെ ലീനസ് പൗളിങ്ങിന്റെ ഘടനാപര രസതന്ത്രതത്ത്വങ്ങളും അവർ ഉപയോഗപ്പെടുത്തി. അങ്ങനെ 1953-ൽ ഇന്ന് ലോക പ്രശസ്തമായ ഇരട്ട ഹെലിക്സിനെ കുറിച്ചുള്ള പ്രബന്ധം പ്രസിദ്ധീകരിച്ചു.
ക്രിക്ക് പിന്നീട് തന്മാത്രാ ജൈവശാസ്ത്ര ത്തിലെ (ഇരട്ട ഹെലിക്സിന്റെ കണ്ടുപിടുത്തത്തോടെയാണ് തന്മാത്രാ ജൈവശാസ്ത്രം എന്നൊരു ശാസ്ത്രശാഖ നിലവിൽ വന്നതെന്ന് പറയാം. മറ്റു സുപ്രധാന പ്രശ്നങ്ങളിലേക്ക് തിരിഞ്ഞു. കോശത്തിനകത്ത് പ്രോട്ടീനുകളെ സംശ്ലേഷിപ്പിക്കുന്നതെങ്ങനെയെന്നതിൽ ക്രിക്ക് മൗലികമായ സംഭാവനകൾ നൽകി. റൈബോസോമുകളിലേക്ക് അമിനോ അമ്ലങ്ങളെ കൊണ്ടു ചെല്ലുന്ന ട്രാൻസ്ഫർ ആർ.എൻ.എ ഉണ്ടെന്ന ആശയം മുന്നോട്ടുവച്ചതും ക്രിക്കാണ്. അടുത്തടുത്തുള്ള മുമ്മൂന്ന് ന്യൂക്ലിയോടൈഡുകളാണ് ജനിതകകോഡ് എന്ന് തെളിയിക്കുന്ന ജനിതക പരീക്ഷണങ്ങൾ അദ്ദേഹം നടത്തി. ജീവന്റെ ഉത്പത്തിയെക്കുറിച്ചും ക്രിക്ക് ചിന്തിച്ചിട്ടുണ്ട്. മറ്റെവിടെ നിന്നോ എത്തിപ്പെട്ട വിത്തുകളിൽ നിന്നുമാണ് ഭൂമിയിൽ ജീവൻ ഉണ്ടായതെന്ന ആശയം അദ്ദേഹം മുന്നോട്ടുവച്ചു. 1962-ൽ ക്രിക്കിന്നോ ബൽ സമ്മാനം നൽകപ്പെട്ടു. 2004 ല്‍ കോളന്‍ കാന്‍സര്‍ ബാധിച്ചു മരണപ്പെട്ടു
BIOGRAPHY-അലക്സാണ്ടർ ഫ്ളെമിങ് (1881-1935)
BIOGRAPHY-ഹ്യൂഗോ ഡീവീസ് (1848-1935)
BIOGRAPHY-ഷാൻ ബാപ്റ്റിസ്റ്റ് ലാമാർക്ക് (1774-1829)
BIOGRAPHY-ഗ്രിഗോർ യോഹാൻ മെൻഡൽ (1822-1884)
BIOGRAPHY-റോബർട്ട് ഹുക്ക് (1635-1703)
BIOGRAPHY-എഡ്വേർഡ് ജെന്നർ (1749-1823)
BIOGRAPHY- ചാൾസ് റോബർട്ട് ഡാർവിൻ (1809-1882)
No comments:
Post a Comment